Chotqol daryosida Qambarota GES ni qurish bo‘yicha muzokaralar bo‘lib o‘tdi

Qirg‘iziston Respublikasi Vazirlar Mahkamasi Raisi – Qirg‘iziston Respublikasi Prezidenti Administratsiyasi rahbari Aqilbek Japarov Xitoy Xalq Respublikasining (XXR) Sin'zyan-Uyg‘ur avtonom hududiga amaliy tashrifi doirasida Urumchi shahrida O‘zbekiston Respublikasi Bosh vaziri Abdulla Aripov bilan uchrashdi, deb xabar qilmoqda Qirg‘iziston Vazirlar Mahkamasi matbuot xizmati.
Uchrashuv davomida tomonlar ikki mamlakat davlat rahbarlari tomonidan belgilab berilgan ikki tomonlama hamkorlik kun tartibiga kiritilgan uchta istiqbolli infratuzilma loyihalarini atroflicha muhokama qildilar.
Uchrashuvda Qambarota-1 GES ini va Chotqol daryosida GES qurish bo‘yicha muzokaralar o‘tkazildi.
Ikki davlat hukumat rahbarlari Talas-Chotqol-Toshkent avtomobil yo‘li qurilishi loyihasini ham muhokama qildilar. Ta'kidlandiki, hozirgi paytda ushbu loyiha bo‘yicha «Yo‘l xaritasi» ishlab chiqilmoqda va loyihani amalga oshirish ikki mamlakatning o‘zaro savdosini oshirish va sayyohlik salohiyatini oshirish imkoniyatini beradi.
Bundan tashqari, ikki davlat hukumat rahbarlari Qirg‘izistondan O‘zbekistonga ko‘mir yetkazib berishga qaratilgan konveyer lentasini va ko‘mir logistika markazini qurish bo‘yicha qo‘shma ishlarni faollashtirishni muhokama qildilar.
Tomonlar yuqoridagi infratuzilma loyihalarini ilgari surish bo‘yicha amaliy choralar ko‘rish ikki davlat o‘rtasidagi qardoshlik strategik munosabatlarini mustahkamlashga imkon berishini  ta'kidladilar.