“GIDROENERGETIKA. MARKAZIY OSIYO VA KASPIY-2024”. VAQTNI TOG'IRLASH VA ISTIQBOLLARNI MUHOKAMA QILISH FURSATI

Markaziy Osiyo va Kaspiy mintaqasi mamlakatlarida 75 GVt dan ortiq oʻrnatilgan gidroenergetika quvvati mavjud boʻlib, shu bilan birga potentsialning katta qismi hali ham foydalanilmagan. Bundan tashqari, mintaqada mavjud bo'lgan gidroenergetika ishlab chiqarish aktivlari asosan sovet davrida foydalanishga topshirilgan, shuning uchun modernizatsiya talab etiladi. Gidro resurslarni yanada rivojlantirish, yangi GESlar qurish va mavjudlarini modernizatsiya qilish masalalari har doim mintaqa mamlakatlari uchun rivojlanishning ustuvor yo'nalishlaridan biri hisoblanadi. Ushbu vazifalarni muvaffaqiyatli hal etish energiya ta’minlanganligi va xavfsizligini oshiradi.

13-15 mart kunlari Toshkentda har yili o'tkaziladigan "Gidroenergetika. Markaziy Osiyo va Kaspiy" xalqaro anjumani va ko'rgazmasi bo'lib o'tmoqda, bu gidroenergetika tarmog‘ida an'anaviy tadbirdir. Mazkur tarmoq tadbiri mintaqadagi gidroelektrostansiyalarni qurish va rekonstruksiya/modernizatsiya qilish bo‘yicha qator loyihalarni samarali amalga oshirish uchun hukumat va biznes vakillarining muloqoti, tajriba almashishi, yechimlarni izlash va sa’y-harakatlarini birlashtirish uchun professional maydondir. Kongressning asosiy strategik hamkori "O'zbekgidroenergo" aksiyadorlik jamiyati hisoblanadi.

 “Gidroenergetika. Markaziy Osiyo va Kaspiy” xalqaro kongressi ishtirokchilari orasida mintaqadagi asosiy energetika va investitsiya kompaniyalari, davlat idoralari, EPC-pudratchilari, muhandislik va yetkazib beruvchi kompaniyalar vakillari ishtirok etdi.

Asosiy ma'ruzalar mamlakatimizda gidroenergetika sohasida amalga oshirilayotgan keng ko'lamli islohotlar, joriy va kelajakdagi istiqbollarga bag'ishlangan.

"Gidroproekt" AJ gidrotexnika inshootlarini loyihalash va qurish sohasida bosh tashkilot hisoblanadi. Tashkilot loyihalari bo‘yicha 110 ta GES qurilgan, nafaqat O‘zbekistonda, balki Markaziy Osiyo mintaqasining boshqa mamlakatlarida va Vetnamda ham.

 “Gidroenergetika. Markaziy Osiyo va Kaspiy” xalqaro kongressi doirasida gidrotexnika inshootlarini loyihalash sohasidagi yetakchi tashkilotning ikki vakili: Elyor Irgashev (“Gidroproekt” AJ bosh muhandisi) va Sevara Shukurova (Umumiy masalalar bo'yicha direktor o'rinbosari) taqdimot qildilar.

Ertaga kongress o'z ishini davom ettiradi, 15 mart kuni xorijiy mehmonlar ishtirokida modernizatsiyadan so‘ng quvvati 128 MVtga yetkazilgan  "Farhod GES" UKda press-tur o‘tkazilishi rejalashtirilgan.