Ekologiya va ijtimoiy xavfsizlik bo'yicha trening
Hozirgi vaqtda ekologik va ijtimoiy rivojlanish barqaror rivojlanishning alohida ustunlari sifatida emas, balki bir-biri bilan chambarchas bog'liq bo'lgan jihatlar sifatida qaralmoqda. Ushbu integratsiyalashgan yondashuv ekologik barqarorlikka intilishni asosiy rivojlanish yo'nalishiga aylantiradi, bu ish o'rinlari sifati va miqdorining oshishi va ijtimoiy inklyuziyaning ortishi bilan tavsiflanadi.
Electricité de France (frans. Électricité de France, EDF) — Fransiyadagi eng yirik davlat energiya ishlab chiqaruvchi kompaniya. Yevropa energetika bozorining yetakchilaridan biri bo‘lgan EDF Group sanoatning barcha sohalarida: energiya ishlab chiqarish, uzatish, tarqatish, savdo va marketing bo‘yicha faoliyat yurituvchi integratsiyalashgan energetika kompaniyasi hisoblanadi. Guruh elektr energiyasi ishlab chiqarish bo'yicha Evropada birinchi o'rinda turadi.
"O'zbekgidroenergo" AJ va Edf o'rtasidagi rivojlantirish to'g'risidagi kelishuviga muvofiq Mullalak va Xodjikentdagi gidroenergetika loyihalari (22.11.2022-yil), shuningdek, harakatlar dasturi asosida loyihalarni rivojlantirishning keyingi bosqichlari bilan bog'liq holda, loyiha direktori Stefan Lemasson boshchiligidagi Edfning Ekologiya va Ijtimoiy jihatlar bo'yicha ishchi guruhi sentyabr oyi oxirida O‘zbekistonga tashrif buyurdi.
Tashrif dasturida IFC taqdimoti hamda atrof-muhit va ijtimoiy xavfsizlik: samaradorlik standartlari bo'yicha trening sessiyasi bo'lib o'tdi. O‘quv sessiyasi 29-sentabr kuni “Gidroproekt” AJda bo‘lib o‘tdi. Ushbu treningda EDF texnik missiyasi vakillaridan tashqari Mullalak va Xojikent loyihalarida hamkor bo'lgan IFC vakillari ham ishtirok etishdi. Xalqaro moliya korporatsiyasi (IFC) - Jahon banki tarkibiga kiruvchi xalqaro moliya instituti
Ekologik va ijtimoiy masalalar bo'yicha treninglarda ishtirok etish ekologik va ijtimoiy standartlar va ishlab chiqilayotgan gidroenergetika loyihalariga qo'yiladigan talablar bo'yicha bilim darajasini oshirish imkonini berdi.
