Uch tomonlama samarali hamkorlik

5 sentabr kuni Bishkekda Qozog'iston, O'zbekiston va Qirg'iziston ixtisoslashtirilgan va energetika idoralari vakillarining "Qambar-ota GES-1 qurilishi va foydalanish loyihasini birgalikda amalga oshirish to'g'risidagi bitim" loyihasini tayyorlash bo'yicha ishchi uchrashuvi bo'lib o'tdi. Bu haqda "O'zbekgidroenergo" AJ sayti xabar bermoqda (). 
2023 yil boshida ushbu uchta mamlakatning energetika vazirlari tomonidan Qambar-ota GES-1 qurilishi va ekspluatatsiyasini amalga oshirish bo'yicha yo'l xaritasi imzolandi.
Kelajakdagi GESning quvvati —1 ming 860 megavatt. GES suv omborining hajmi 5,4 mlrd kub metrni tashkil etadi. Har yili o'rtacha 5,6 milliard kilovatt-soat elektr energiyasi ishlab chiqarish rejalashtirilmoqda. Loyiha 2025 yil oxirigacha amalga oshirilishi kutilmoqda.